Hildurina

Húfa í jólapakkann!

2011-12-11T20:58:00.000Z

Nú geta allir fengið húfu í pakkann sinn!

Var að setja í gang tilboð á gjafabréfi frá HiN design. Þú færð gjafabréfið sent í pósti og prentar það út og pakkar inn. Viðtakandi getur svo valið hvaða húfu sem er og fengið hana senda:)

Virði gjafabréfsins er 3300 krónur en það er á jólatilboði á 2200 og þá er sendingarkostnaður innifalin!

hindesign@zoho.com

ótrúlega flott gjöf fyrir börn og fullorðna!

6. desember 2011 Upp og niður

2011-12-06T22:46:00.001Z

"Su e giú" segir Felix Helgi; "Upp og niður"

"Sopra e sotto" segir Hinrik Leonard; "Yfir og undir"

Þessar skemmtilegu ítölskuæfingar geta alveg líst tilveru okkar litlu Rómarfjölskyldunnar þessa dagana. Okkur líður vel, en erum stundum "upp og niður"

Þarna er ég 4 mánaða, pabbi heldur mér uppi.

Hann á afmæli í dag...

Felix Helgi segir að hann sé engill, ég vil trúa því!

Það er vetur í Róm, 8 gráður á kvöldin og 15 á daginn, varla kalt á íslenskan mælikvarða, en stundum kveikjum við á ofnunum, rafmagnsofnunum þá verður hlýtt!

Við eigum jólatré, valið stóð milli tveggja lita, fjólublátt eða hvítt, Hinrik Leonard fékk að velja,

Það er hvítt!

Skrautið er fjólublátt og rautt, Hinrik fékk líka að velja það!

Tréð gengur undir nafninu "Tojletttrí", það er nefninlega eins og það sé gert úr klósettburstum, ekta kínverskt verksmiðjuverk!

Hér er nærmynd!

Upp var á markaðnum fyrir rúmlega viku

Niður var á markaðnum á sunnudaginn

Þá ringdi svo mikið að á hálftíma urðu allar húfurnar mínar blautar, og ég þurfti að fara heim.

Gat ekki selt blauta vöru:(

Upp var svo aftur seinna þann sama sunnudag, er dyrabjallan glumdi og íslenskir vinir kíktu óvænt í kaffi!

Upp var í dag þegar ég fór á stóra pósthúsið á Largo Argentina og afgreiðslukonan sagði: "Átt þú ekki drengina tvo, þessa ljóshærðu og fallegu?"

Niður var þegar ég hlustaði á kennara Hinriks rífa niður bekkinn af því að það voru of mikil læti í þeim í leiklist!

Upp er þegar ég horfi í kringum mig,

anda að mér lyktinni, brosi til fólksins.

Kyssi tvo kossa á kinn,

fæ boðskort í íslenskt jólaboð,

hugsa um Síríus rjómasúkkulaðið í skápnum,

horfi á Basilikuna mína á svölunum, þessa sem ég sáði, fyrir 2 mánuðum.

Þegar ég sting uppí mig ólívum, kaupi tvo ferska kjúklinga, tæp tvö kíló á 750 krónur.

Þegar ég kaupi hvítvínsflösku á 165 krónur.

Þegar ég finn lyktina af mandarínum..

Þegar ég skoppast um í jólaerindum og finn ekki fyrir stressi,

þegar ég skrapa saman cent fyrir mjólk og brauði og skokka svo heim og geri besta makkarónugraut í heimi að sögn strákanna minna!

Niður þegar ég hugsa um H-in þrjú,

Hinrik, Halldór Viðar og Hermann Fannar,

sem allir þrír fóru alltof snemma, alltof fljótt og minningin um þá kallar fram tár.

Leyfi tárunum að streyma,

það er gott að gráta,

lít svo yfir "uppin og niðurin"

og sé að uppin eru svo miklu fleiri!

Hugleiðingar, mánuður í Aðfangadag!

2011-11-24T12:48:00.005Z

Hef ekki verið dugleg að blogga síðustu vikur en er alltaf að hugsa um hluti og myndir sem mig langar að deila með ykkur.

Það er komin vetur í Róm.

Laufblöðin þyrlast upp

og stórir flokkar af fuglum svífa um himnana.

Ég er búin að prjóna vettlinga á Hinrik Leonard og er á leiðinni að prjóna á Felix Helga, hann er svo kröfuharður... vill hafa þá gula, rauða, bláa.. svarta.. já og í öllum litum bara. Mér finnst ekki gaman að prjóna vettlinga.. næ einhvernvegin aldrei að að hafa báða eins!

Búin að prjóna á þá báða þykkar húfur. Það er kallt á morgnana þegar þeir fara út en svo fer sólin að skína og þá hitnar ansi vel.

Nú er jólaskrautið að birtast í búðunum, miklu miklu seinna en á Ísalandi..

Og markaðsstemningin mín að fara að byrja

Hlakka til!

Það verður gaman að eyða jólunum í fyrsta skipti með fjölskyldunni utan Íslands.

Langar að biðja þá sem vilja senda okkur jólakort að gera það endilega!! Það er svo gaman að fá póst að heiman.. alvöru póst.

Heimilisfangið er

Hildur Hinriksdóttir

Via Giovanni da Castel Bolognese 44, int 9

00153 Roma

Italia

Stundum þegar ég sé skemmtilega/skrítna hluti, þá langar mig til að skrifa um þá hér, svona augnablik sem mig langar að deila;

Þegar ég horfi á sígaunakellingarnar á kafi ofan í ruslatunnunni hér fyrir utan, þær eru enn í stórum pilsum og inniskóm en núna eru þær komnar í buxur undir pilsin, stóra sokka og með klúta um höfuðið.

Þegar ég horfi á sætu pörin í alveg eins dúnúlpum, glansandi dúnúlpum að knúsast úti á götu.

Þegar flottu bisness kallarnir labba framhjá mér með ís.

Þegar ung kona kemur hlaupandi, hendir sér á milli bílana á stæðinu þar sem ég stend, girðir niður um sig og pissar! Og Hinrik og Felix hlæja og trúa ekki sínum eigin augum. Hún er útigangskona.

Þegar vetrarlyktin af steiktum kastaníum svífur um loftin.

Þegar Felix Helgi segir uppúr eins manns hljóði

"Ég elska heimilið mitt"

Þegar Hinrik Leonard les eins og engill á ítölsku uppúr sögubókinni sinni.

Þegar Felix Helgi kemur með pasta heim til að sjóða, sem hann bjó til sjálfur í leikskólanum.

Þegar tóbakssölumaðurinn segir "Jæja, þá er allt að verða gott á Íslandi, sá það í sjónvarpinu"

Þegar Hinrik leiðir mig úti á götu.

Þegar á dyrabjöllustæðu, fulla af ítölskum nöfnum stendur allt í einu "Ingibjörg"

Þegar Ingó bakkar í stæði sem passar varla fyrir bílinn okkar en hann nær samt að leggja.

Já það er svo margt sem mig langar til að deila með ykkur, byrja á þessu.

Eigið dásamlegan dag!

Ólívutínsla í sveitinni hjá Todi, Umbria héraði..

2011-11-14T15:43:00.000Z

Þetta er sveitin hans Francesco Cordio, vinar okkar. Okkur var boðið þangað á sunnudaginn til að tína ólívur, strákarnir tóku hlutverk sitt mjög alvarlega og tíndu og tíndu allan daginn!

Hér sjást strákarnir mínir í miklum ham að tína og tína, Hinrik klifraði uppí trén til að ná betur í efstu greinarnar.

Francesco og konan hans Ilenia voru svo sannarlega höfðingjar heim að sækja, Pabbi Francesco átti þetta hús og hann var listamaður eins og sést allstaðar bæði inni og úti. Ilenia sá svo um að fæða duglegu vinnumennina!

Hér er farið að kvölda en enn eru strákarnir að tína, þetta eru sex ára gömul ólívutré, Francesco gaf Hinriki og Felix sitthvort tréð sem þeir ætla að vera duglegir að heimsækja og hugsa um!

Í lok dags fengu allir sér hressingu, brauð með hunangi úr sveitinni. Á myndinni sjást Ingó, Felix, Hinrik, Francesco og svo vinir þeirra Monia og dóttir hennar Viola sem voru líka í heimsókn.

Við enduðum daginn á því að fara í ólívupressuverksmiðjuna þar smökkuðum við æðislega nýpressaða olíu og Francesco gaf strákunum 1. lítra af ólívuolíu í vinnulaun:) Hans ólívur verða svo pressaðar í dag í þessari verksmiðju.

Ég keyrði svo alla leið heim og hætti mér í fyrsta skipti að keyra í Róm, við búum í miðbænum þannig að ég þurfti að keyra fyrst í gegnum alla litlu bæina í Umbria, svo á hraðbrautina og að lokum inn í Róm. Og það tókst barasta vel.

Í Umbriu keyrðum við í gegnum bæinn Amelia, sem er auðvitað bærinn hennar Amelíu bróðurdóttur minnar, þessi síðasta mynd var tekin fyrir hana!

Strákarnir og skólinn, i bimbi é la scuola

2011-11-14T15:12:00.000Z

Hér sést Pantheonið, skóli strákanna er hér hægramegin við stóru bygginguna.

Glugginn á stofunni hans Hinriks sést hér á neðri myndinni

Hér er hurðin á skóla strákanna

Búið að sækja Felix Helga, þá bíðum við eftir Hinriki

Og hér er Hinrik minn komin til mömmu sín:)

Ég og sætu strákarnir mínir:)

Haustið er komið til Rómar, það sést meðal annars á þessum fallega fuglahóp, sem fer í stórum flokkum um himininn yfir Róm, og maður þarf að passa sig að lenda ekki í "fuglaskítsrigningu"

Á leiðinni heim er gott að koma við í bakaríi í Gyðingahverfinu, strákarnir halda áfram að sjarmera alla og auðvitað hljóta þeir brauð að launum:)

Roma farmers market

2011-11-08T08:38:00.000Z

Á laugardögum og sunnudögum er bændamarkaður hér rétt hjá okkur, þar er hægt að kaupa ávexti, grænmeti, kjöt, osta, brauð, hunang og margt margt fleira beint af bónda/framleiðanda.

Hér eru nokkrar myndir frá laugardeginum síðasta!

Pantheon, kynning, armbönd úr roði...

2011-11-03T08:35:00.000Z

Nú eru strákarnir mínir byrjaðir í nýja skólanum, það var ofboðsleg gleði þegar þeir hlupu um gangana á nýja "gamla" skólanum, og Hinrik Leonard horfir út um gluggan beint á Pantheon. Alger draumur.

Hér sést Felix Helgi að módelast fyrir mig úti á svölum... svo sætur með nýju húfuna sem er með enduskinsaugum.

Hér eru svo nýjustu afurðirnar, tvær hyrnur í ólíkum litum og svo armbönd úr roði... verð með kynningu í kvöld á hlutunum mínum á bar hér í hverfinu. Hlakka mikið til:)

Vikan

2011-10-30T00:03:00.001Z

Nú hafa strákarnir mínir kvatt skólann sinn, hér sést Hinrik Leonard koma úr skólanum á fimmtudaginn var en það var síðasti skóladagurinn í þessum skóla, nú er viku frí hjá þeim báðum, bæði vegna þess að skólinn er að flytja og líka vegna þess að á þriðjudaginn 1. nóvember er Dagur hinna látnu sem er frídagur á Ítalíu, á mánudaginn er því svokölluð "brú" eða ponte, frí líka þá.... á miðvikudaginn er svo verið að koma fyrir öllu skóladótinu í nýja skólanum og svo byrjar kennslan á fimmtudaginn 3. nóvember. Nýja húsnæðið er við hliðina á Pantheon, nú er 3 ára endurnýjun húsnæðisins lokið og mikið verður nú gaman þegar skólinn byrjar aftur:)

Á föstudaginn var fyrsti dagurinn í vikufríi strákanna, og ég let loks eftir þeim og fór á McDonalds... strákunum finnst maturinn alls ekki góður þar.. en dótið heillar og þar sem það eru núna strumpadúkkur í barnaboxinu
þá fengu þeir sitthvorn strumpinn

Sáttir bræður eins og sést...

Og svo komu Heimsferðir í árlegu haustferðina sína til Rómar, og við fengum sendingu frá Íslandi:) Báðar ömmurnar sendu nammi, svo fengum við fulla ferðatösku af vetrarfötum!

Hér sést Hinrik Leonard með fylltan lakkrís og djúpu!

Felix Helgi fékk þessa flottu flíspeysu frá Ömmu Sigrúnu og hefur varla farið úr henni, hún er svo rosalega mjúk.. eins og Amma segir hann!

Í kvöld fórum við svo í afmælisveislu til íslenskrar stelpu sem við vorum að finna í Róm og hittum svolítið af íslendingum, það var voðagaman og strákarnir fá svo mikið út úr því að tala íslensku:)

Loksins nýtt í lok október

2011-10-26T13:45:00.000Z

Tíminn flýgur svo sannarlega, lífið komið í fastar skorður og hið daglega líf er ljúft og vanafast... ítalskt.

Fórum í IKEA um síðustu helgi til að kaupa steiktan lauk.. hann var ekki til:( En hér á þessum myndum

sést hvað IKEA í Róm er

rómverskt, þessar mynjar

fundust þegar verið var að

byggja verslunina, þetta

eru keramik pottar sem

notaðir voru fyrir olíu,

baunir og korn

Felix Helgi skellti sér svo til tannlæknis á mánudaginn, hér sést hann glaður á biðstofunni:) Hann var alveg rosalega duglegur og það þarf aðeins að gera við í honum svo hann fer aftur og þá ætlar Hinrik Leonard með líka í skoðun:)

Svo kom pakki!! Hinrik Leonard fékk afmælispakka frá Einari Berg, Jóni Sigfúsi og Aroni Kristjáni, og auðvitað fékk Felix Helgi pakka líka!!
Hann varð svo himinlifandi eins og sést á myndunum:) Takk strákar!!

Hér að lokum er svo sjálfsmynd af Felix Helga með einn af svipunum sínum... hann er byrjaður í leikskóla og fór í danstíma í dag:) Flottir strákar sem ég á!!

Mínar heilögu svalir og smá fréttir:)

2011-10-11T07:35:00.001Z

Það eru tveir menn á svölunum mínum...

að gera við niðurfallið, sem er fínt..

þ.e. að þeir geri við niðurfallið!

En mikið finnst mér erfitt að þurfa að fara úr rútínunni, saumaaðstaðan mín er nefninlega við svalirnar og nú húki ég inni í stofu og hlusta á morgunútvarp Bylgjunnar og bið til Guðs að þeir verði fljótir...

Annars held ég að það verða allt í ryki.. þeir eru nefnilega með höggbor..

aiiiiaa eins og sagt er á ítölsku.

En þá er komið að fréttum af Rómverjunum:

Hinrik Leonard stendur sig eins og hetja í skólanum, hann er komin með aðstoð, það kemur aukakennari inn í tíma og hjálpar Hinriki og André sem er fransk-amerísk-ítalskur. Það er ofboðslega jákvætt og uppáhalds námsgreinin er stærðfræði. Hann er á fullu að læra að skrifa skrifstafi en hér eru bara skrifaðir skrifstafir, það gengur líka vel. Í síðustu viku voru þrjár afmælisveislur Hinrik Leonard og Federico félagi hans áttu báðir afmæli 3 október og André átti afmæli 5 október. Hér er mynd úr afmæli André's sem haldið var á bar í Trastevere, þar var dansað og dansað eins og sést hér á þessum myndum:

Dansað var við Michael Jackson!!

Felix Helgi blómstrar í leikskólanum, við foreldrarnir erum samt enn að reyna að skilja hver fílósófían er á bakvið þessa leikskólastefnu... hmmm.. Felix Helgi er tvisvar sinnum búin að finna teikningu eftir sig í ruslinu og hefur auðvitað móðgast helling! Við tökum aðlögunina rólega, sitjum frammi og ég prjóna en Ingólfur les.. sjáum hvernig þetta þróast..

Sæti leikskólastrákurinn minn er með klút-viskustykki-diskamottu í töskunni sinni og glas, þegar kemur að kaffitíma setur hann viskustykkið á borðið og glasið ofaná það og svo fær hann kex, brauð eða ávöxt og vatn í glasið sitt!

Ég hins vegar framleiði eins mikið og ég get, ég er að prjóna og sauma, á núna tvær hyrnur á lager:

Önnur í jarðlitunum og hin blá/grá/svört.

Er að selja þær á 8000 kr með sendingar-

kostnaði sem er náttúrulega fáránlega ódýrt!

Svo er ég á fullu að hanna og framleiða nýjar útgáfur af húfunum.. hér eru nokkrar:

Nóg í bili, over and out!

Hinrik 9 ára, Felix Helgi byrjar í leikskóla, i miei bimbi bravi:)

2011-10-03T22:49:00.000Z

Felix Helgi Ingólfsson er byrjaður í skóla!

Hann er á leikskóladeildinni í sama skóla og

Hinrik Leonard, Gianturco!

Stoltur strákur á leið í skólann á fyrsta skóladeginum sínum, fyrst heima í pósu og svo fyrir utan skólann sinn!

Og svo var það veislan hans Hinriks Leonards, héldum hana í Villa Pamphili, almenningsgarði hér rétt hjá. Í hana komu skólasystkyni Hinriks Leonards og vinir okkar. Á boðstólnum voru ferskir ávextir, snakk, nammi og fullt af íslenskum skúffukökum sem vöktu svo mikla lukku að nú vinn ég að því að þýða uppskriftina til að senda foreldrum krakkana... með skólasystkyninum komu foreldrar og systkyni og líka ömmur og afar ofl.. fullt af fólki og krakkarnir hlupu um svæðið í eltingaleik, fóru í fótbolta og fengu útrás!

svo var sungið á tveimur tungumálum og afmælisbarnið var glaður og hamingjusamur!

Og svo kom að sjálfum afmælisdeginum og eins og venjan er hjá okkur var afmælisbarnið vakið og fékk strax gjafir í rúmið

Hann fékk kúrekabyssu frá bróður sínum sem hann hefur lengi langað í og Harry Potter jakka og gallabuxur frá okkur..

Vinstra megin sést þar sem hann er nýbúin að opna pakkann frá okkur og hægra megin stilla bræðurnir sér upp, Felix Helgi í peysu sem hann fékk frá Tony og Patriciu og Hinrik Leonard í jakkanum og buxunum frá okkur.. hann heldur á kúrekanum sem hann fékk frá Leo guðföður sínum.

Hér sést svo aftaná Harry Potter jakkann... en hægt er að taka hettuna úr

Er svo óendanlega stollt af strákunum mínum. Þeir eru að standa sig svo rosalega vel í þessum nýju aðstæðum sem eru svo gjörólíkar því sem þeir þekkja frá Íslandi, ef þeir fá heimþrá, sem gerist auðvitað.. þá vilja þeir skreppa til Íslands í heimsókn, en ekki flytja héðan!

Hinrik fór svo í afmæli í dag til skólabróður síns sem deilir með honum afmælisdegi og sá þá í fyrsta skiptið íbúð hjá ríku fólki!! Þar var meira að segja þjónustustúlka í hvítum slopp sem kom hlaupandi með handklæði þegar Hinrik fékk sér vatn og það sullaðist aðeins á hökuna á honum!!

ps.. var að skipta um útlit á blogginu.. hvernig finnst ykkur?

29.09 2011. Tíu ár í hjónabandi, Dieci anni di matrimonio

2011-09-30T08:14:00.002Z

Dagurinn byrjaði með ferð í skólann, hér sást strákanir mínir á strætóstöðinni á Viale Trastevere.

Þegar Hinrik var komin í skólann og við búin að heimsækja leikskólann fórum við til Vanessu og Andrea á barinn/kaffihúsið okkar, Bar Cesira!

Um kvöldið fórum við að borða á veitingahúsið okkar sem er hér í götunni okkar, svo fengu strákarnir ís í ísbúðinni okkar á horninu og við fórum svo til Vanessu til að fá okkur kaffi sem hún auðvitað bauð okkur uppá:)

Fjölskyldan í Róm

Brúðkaupsafmælishjónin

Andrea, Vanessa og Emiliano fólkið á barnum okkar.

Vanessa á barinn og Amma hennar og svo pabbi hennar ráku hann á undan henni, hún er leikstjóri og hefur unnið mikið í ríkissjónvarpinu, RAI

Hinrik Leonard tók þessa mynd en Vanessa elskar að knúsa Felix Helga sérstaklega ef hann vill ekki láta knúsa sig:)

Baðherbergið, heim úr skólanum og legó

2011-09-27T11:47:00.001Z

Baðherbergið okkar er bleikt og svart og langt! Felix Helgi skellti sér á kamarinn og tók með sér bók um Róm.. ég gat ekki annað en smellt mynd af honum og svo annari þegar hann sá mig:)

Þarf náttúrulega ekki að taka fram að ég á bara ótrúlega menningarleg börn! sem nýta hvert tækifæri til að fræðast um borgina sína!!

Í gær sóttum við Felix Helgi, Hinrik Leonard í skólann, sólin skein og við stoppuðum á bar/kaffihúsi ég fékk mér kaffi en strákarnir fengu sér sætabrauð og rauðan appelsínusafa

Við erum búin að fá símtal frá borginni um að

Felix Helgi sé kominn inn í leikskólann, nú bíðum við bara eftir að heyra hvenær hann má byrja.

Hinrik Leonard stendur sig eins og hetja í skólanum, krakkarnir fylgja honum öll og reyna að hjálpa honum eftir bestu getu. Hinrik er farin að tala miklu meiri ítölsku en hann gerir sér grein fyrir... þýðir fyrir bróður sinn út á götu og við erum stollt af stráknum okkar!

Þeir eru duglegir að leika sér saman og hér sést stór legóturn sem þeir reistu saman um helgina..

Hér eru svo legóbyggingar eftir Hinrik Leonard

Lífið gengur sinn vanagang í Róm, við njótum hverrar einustu mínútu og nú eftir tæplega viku verður Hinrik Leonard 9 ára.. þá verða veisluhöld:)

Við Ingó eigum svo 10 ára brúkaupsafmæli á fimmtudaginn:) Besta brúkaupsafmælisgjöfin er að vera saman í Róm á þessum tímamótum:)

1.árs afmæli, festa di compleanno

2011-09-25T08:03:00.000Z

Og svo kom

Felix Helgi og auðvitað er hann Trúður eins og fyrr hefur komið fram:)

Fórum í afmæli í gær til Isabellu sem varð eins árs, hún er dóttir Tony og Patriciu en Tony er búin að vera vinur minn sl 15 ár

Afmælið byrjaði klukkan 3.30, við mættum kl 3.25, hinir gestirnir mættu klukkan 17!!

Sætu strákarnir mínir í myndatöku þegar gestirnir tóku að streyma inn... þeir sem þekkja mig vel sjá í bakgrunninn dreng einn sem ég hef ekki hitt í 11 ár:) Hann hefur lítið breyst.. andlega!

Sungið fyrir Ísabellu, mamma hennar heldur fast í litla krúttið:)

Og svo hópmyndataka þar sem strákranir mínir voru auðvitað með!

Svo kom trúðurinn, þessi mynd heitir "Hróarinn"

Siamo stati ieri alla festa di complenno di Isabella figlia di nostri amici Tony e Patricia, come veri islandesi siamo arrivati in orario.. peccato che gl'altri ospiti sono arrivati due ore dopo:)

Fullt hús af gestum og klipping:) Ospiti e parrucchiera:)

2011-09-21T09:38:00.000Z

Fallega Charlotte okkar var hjá okkur í 4 daga, hér sjást þau Felix Helgi þegar hún var að fara út á flugvöll, Ecco la nostra bella Charlotte con Felix Helgi il giorno della sua partenza ma lei é stata con noi per 4 giorni.

Svo komu Einara og Magnús, og auðvitað fór öll fjölskyldan í klippingu hjá flottasta og tanaðasta hárgreiðslumeistara allra tíma:)

Þarna sést Magnús í forstofunni okkar

Fallegu systkynin Ingó og Einara..

Sono arrivati ancora ospiti.. la sorella di Ingo e suo marito, ovviamente abbiamo tutti usufruito del fatto che lei é maestra parrucchiera..

Söknum ykkar;'/

skóladrengur og gömul vinkona, Primo giorno di scuola e amica

2011-09-13T20:54:00.000Z

Fallegi drengurinn minn í skólabúningnum með íslenska fánanum auðvitað...

Ecco il mio bimbo con il suo grembule di scuola con la bandiera islandese

Fyrsti skóladagurinn, tilbúin við útidyrahurðina

IL primo giorno di scuola.. pronto alla porta di casa

Hinrik í nýja bekknum sínum, með kennaranum Fiorellu og hinum nýja stráknum:)

Og hér er svo hún Charlotte mín við Spánartröppurnar

Ecco la mia Charlotte a piazza di spagna

Annar kafli í framhaldssögu:)

2011-09-13T11:26:00.000Z

Annar kafli í skáldsögunni minni á spegill.is

Gamanaðissu:)

Annars lítill tími til að blogga... Hinrik Leonard byrjaður í skólanum í skólabúningi. Ofsaglaður!

Charlotte fer á morgun og þá koma nýjir gestir... dásamlegt bara:)

Framhaldssaga á Spegill.is

2011-09-10T09:22:00.000Z

Það vantar ekki fjöhæfnina í mína:) Nú er komin fyrsti kafli af skáldsögu eftir mig á Spegill.is

http://spegill.is/is/grein/2011/09/10/romans_a_italiu

Annars er það að frétta að við erum að fá Gest í dag... elsku Charlotte mín er að koma til okkar í 4 daga. Hún er norsk vinkona mín sem var með mér skiptinemi í Treviso fyrir fyrir 23 árum!! Það eru 21 ár síðan við hittumst síðast ohh ég hlakka svo til:)

Skólinn að byrja og zanzare tigre

2011-09-08T20:26:00.000Z

Við fórum í skólann hans Hinriks Leonards í dag,

hittum kennarana hans þær Fiorellu og Margheritu.

Hinrik er að kafna úr spenningi og hlakkar svo mikið til.

Fiorella og Margherita voru yndislegar og knúsuðu hann og honum leist rosavel á þær. Önnur talar ensku hin bara ítölsku, en það er víst drengur í bekknum hans sem bjó í Englandi og talar því ensku.

Hér eru myndir af strákunum mínum í skólanum.. Felix Helgi getur náttúrulega aldrei verið eðlilegur heheh litli trúðurinn minn

Hinrik byrjar sem sagt á mánudaginn í skólanum, það eru 24 krakkar í bekknum hans og aðeins einn fjórði bekkur. Skólinn er frá 8.30 - 16.30 og eru skólabúningar í hans bekk.

Það eina sem ég þoli ekki á Ítalíu eru helvítis moskító flugurnar, þegar ég bjó hér síðast voru Tígrismoskítóflugur nýkomnar en núna eru þær aldeilis búnar að koma sér fyrir... ég er með ofnæmi fyrir bitunum þeirra og bólgna mjög mikið við hvert bit.. við erum með allskyns eitur í gangi en eitthvað klikkaði í nótt og ég fékk 9 bit!! ég hef verið að taka ofnæmistöflur og öll þessi bit sem eg hef fengið síðustu tvo mánuði hafa lagað aðeins ofnæmisviðbrögðin... en í nótt fékk ég fyrsta bitið í andlitið.. hlakka ekki til á morgun því bitin eru yfirleitt verri á öðrum degi!

Peperoncino di Scalea, kommentið!!

2011-09-07T10:42:00.000Z

Fengum "fléttu" af chillipipar frá Calabríu frá Leo okkar, Hinrik Leonard ákvað að smakka og getur staðfest að hann er rótsterkur, Felix Helgi lét sér hins vegar nægja að stilla sér upp í myndatöku með eitt stykki:)

Það er fullt af fólki að lesa bloggið mitt en aðeins 2 eða 3 eru að kommenta... elsku bestu, sendið okkur kveðju.. þó ekki sé nema bara Hæ-Ciao!!

C'e tantissima gente che legge il nostro blog, per favore lasciate un commento.. solo un Ciao.. ci farebbe cosí tanto tanto piacere:)

Ég á tvo stórkostlega drengi, og yndislega vini. Ho due bimbi stupendi ed amici favolosi:)

2011-09-06T19:04:00.002Z

Leo og Elena voru loksins bæði í Róm á sama tíma og komu í mat til okkar... strákarnir voru yfirspenntir og sofnuðu svo svona á sófanum:)

I nostri bellissimi amici Leo ed Elena, finalmente tutti e due a Roma!

Ég elska þessa mynd sem er á veggnum fyrir ofan rúmið okkar,

þetta er asnavagn á Sikiley

Hinrik byggir hús...

2011-09-05T17:43:00.000Z

Hinrik Leonard Ingólfsson er alveg að verða NÍU!!

Hér eru myndir af honum að bregða á leik í dag..

Sú síðasta er af honum og hyrnunni sem ég setti í sölu í dag.. hún kostar 8000 og er úr bómull:)

sunnudagurinn 4 september

2011-09-04T19:10:00.001Z

Þessi sunnudagur er búin að vera aldeilis óvenjulegur...

vaknaði fyrir allan aldur til að fylgjast með Helga bróður

keppa í heilum Járnkarli í Köln,

það var nú aldeilis rússíbanareið...

10klst 20 min og 59 sec.

Þessi mynd er frá Íslandi en er af Helga bró.

Hann rúllaði upp sundinu á stórkostlegum tíma og fór svo á hjólið... þegar hann var búin að sprengja 3 sinnum dekkið hjá sér gat ég ekki meir og skellti mér á Porta Portese...

Keypti mér græna skó á 3 evrur... 3x165kr,

Hugsaði til Bryndísar mágkonu minnar, eiginkonu Helga
og tileinka henni þessi skókaup!!

Kom svo heim og hélt áfram að fylgjast með Helga... hann stóð sig alveg ótrúlega vel og þegar hann var búin ákvað ég að kaupa kínamat til að halda uppá árangur hans!

Riso alla Cantonese... svona diskur kostar 1.5 evru.

Og svo byrjaði að rigna!!!
Ekki nóg að ég skildi öðru hvoru skæla í dag af stolti..
heldur sá Róm ekki annað í stöðunni en að skæla með mér...
í dag eru 2 mánuðir síðan við komum til Rómar
og þetta er í annað skiptið sem himnarnir gráta...
það er yndislegt að heyra í ljúfri rigningunni hér úti á svölum..
held samt að hún verði ekki langvin þessi rigning...
kannski smá í nótt...

Nú eru það rólegheit á sunnudagskvöldi, kannski smá prjón..
ekkert saumað í dag..
en fullt á morgun..
því þá kemur nýr og fallegur dagur,

í Draumaborginni Róm.

Lífið rólega í Róm!

2011-09-02T10:03:00.001Z

Það er búið að vera svo brjálað að gera í saumaskapnum síðustu daga að ég hef ekkert haft tíma til að blogga...

Lífið heldur áfram sinn vanagang,

Róm er að vakna hægt og rólega úr sumardvalanum,

litlu búðirnar eru að opna ein af annari og

Hinrik Leonard er farin að telja niður dagana í að skólinn byrji,

hann byrjar 12. september.

Þessi mynd er eftir Hinrik Leonard, tekin á svölunum okkar!

Hann er með mikin ljósmyndaáhuga og ætlar að opna síðu hér á blogspot þar sem við setjum inn myndirnar hans og upplifun af Róm! Fylgist með því.

Yfir og út!

Óvæntur gestur og uppi á þaki, ospite a sorpresa ed il nostro tetto:)

2011-08-28T22:21:00.000Z

Við fengum skemmtilega heimsókn um daginn, pínulítil eðla mætti í eldhúsið okkar stoppaði rétt í smá myndatöku og skaust svo aftur út um gluggann

Strákarnir mínir í sólbaði uppi á þaki... þessar myndir eru sérstaklega fyrir elsku mágkonu mína hana Kittý sem bað um myndir af þakinu!

þegar smá heimþrá lætur bera á sér...

2011-08-25T19:53:00.000Z

Þá skreppa menn bara í IKEA

Svalirnar mínar:)

2011-08-22T22:50:00.001Z

Ég fer út á svalirnar mínar nokkrum sinnum á dag,

ég á þær ekki strákarnir:)

Ég fer þangað til að fá mér "ferskt" loft.

Við búum á 5 hæð, og þó gatan okkar sé mjög róleg

er þokkaleg rútína í fólkinu sem um hana fer.

Það er lögreglustöð ská á móti okkur!

Við endan á götunni minni er lítil hverfisverslun,

hún hefur verið rekin af sömu fjölskyldunni í 82 ár,

í sama húsnæði.. fyrst langafinn, svo afinn,

svo pabbinn, sem rekur hana núna,

synirnir gera annað...

þeir eru tveir ekki víst hvort þeir taki við búðinni...

Ég halla mér alltaf fram af brúninni og horfi niður, á morgnana sé ég þegar pósturinn kemur, og fylgist með því þegar veitingastaðurinn opnar, það er svalt á svölunum á morgnanna,

svo kemur hádegissólin og þá stoppa ég stutt...

nóg samt til að fylgjast með sígaununum þeir koma snyrtilegir með rúllukerru á eftir sér... stoppa við ruslatunnurnar, kíkja ofaní

og ef eitthvað merkilegt sést draga þeir upp vírherðatré sem búið er að beygja í krók með löngu skafti og með því draga þeir ruslið uppúr tunnunum... og halda svo áfram,

um kvöldmatarleitið er komin góður skuggi á svalirnar mínar, þá fer fólkið að tínast á veitingastaðinn og hlátrasköllinn berast upp götuna.

Um miðnætti fara leðurblökurnar á stjá, fljúga hér á milli húsanna, svo stórfenglega fallegar og framandi! Hef ekkert verið að segja strákunum frá þeim, gætu orðið hræddir.. ég á blökurnar svolítið fyrir mig!

Um miðnætti kemur líka indverski kokkurinn með fulla tunnu af rusli:)

Ég elska svalirnar mínar!

Ströndin, eins og ég var búin að lofa.. La spiagga, ancora foto.

2011-08-22T21:05:00.001Z

Við vorum á ströndinni í litlum bæ sem heitir Anzio, hjá skólasystur Ingó og vinkonu okkar Marinu, hún bauð okkur í þrjá daga til foreldra sinna sem eiga yndislegt hús við ströndina. Fyrsta kvöldið var okkur boðið í matarboð til nágranna þeirra, hún var fræg leikkona á sjöunda áratugnum lék í djörfum ítölskum myndum og svo hryllingsmyndum, Quentin Tarantino elskar hana, hún er jafngömul mömmu, hann framleiddi myndirnar.. þau eiga fullt af peningum og fullt af húsum. Húsið við hliðina á þeirra á leikstjórinn Tornatore, sem gerði Paradísarbíóið.. við hittum hann ekki heyrðum bara í honum og fjölskyldunni... hér eru nokkrar myndir frá fyrsta kvöldinu

Þetta er Bianca, móðir Marinu

Hér sést Malisa Longo, leikkonan sem bauð okkur í mat.. þið getið gúgglað henni, Ingó og Felix að tala við hana og svo standa Fabio og Marina vinir okkar... svo sést í rassinn á Alice, hún er 11 ára frænka Marínu... og strákarnir elska hana.. hún er bara yndi!

Fallega Alice með hring frá HiN design

Litlu búbbarnir mínir:)

Seinna kvöldið okkar var grillað, Hinrik Leonard fylgdist vel með viðardrumbunum sem notaðir voru sem kol...

Felix Helgi mokaði og lék sér í sandinum á meðan grillið hitnaði

Hér sést húsið sem við vorum í, vinstra megin á myndinni er matarborðið.

Hinrik og Felix steinsofnuðu um kvöldið á sólbekkjum, Hinrik vinstra megin og Felix hægra megin!

Daginn eftir steinsofnuðu þeir eftir hádegismatinn, í skugganum og Alice sést dottandi í bakgrunninum.

Hér sést Paolo pabbi Marinu

Og hér er frændi Fabio sem heimsótti okkur og fallega Alice:)

Fallegi Hinrik minn eða Leonardo eins og hann lætur kalla sig hér:)

Dásamlega ströndin okkar,

Nú erum við komin aftur til Rómar og hitabylgja vermir okkur... meir um það næst!

ströndin, la spiaggia

2011-08-19T16:20:00.000Z

Hér vorum við í 3 daga, mun blogga betur með fleiri myndum fljótlega!

Daglegt líf, vita quotidiana.

2011-08-15T00:04:00.001Z

Hinrik Leonard er afskaplega duglegur að hjálpa til í eldhúsinu, og honum finnst svo gaman að vaska upp!

Hinrik Leonard é bravissimo ad aiutare con i mestieri di casa... qui lava i piatti!

Þetta var útsýnið okkar út um eldhúsgluggann í dag, ótrúlega skemmtileg mynd....

Ecco cosa si vedeva dalla nostra finestra di cucina oggi.

"Þættinum hefur borist bréf"!

Hef fengið margar kvartanir yfir því hvað það eru fáar myndir af mér sjálfri á blogginu... hér með er aðeins bætt úr því:)

Hér drekka drengirnir mínir te í eldhúsinu okkar.

Skál! Cincin!

Bláu augun þín!

I tuoi occhi blu!

Knúsumst aðeins!! Un momento di coccole!

Föstudagur og enn skín sólin

2011-08-12T12:20:00.002Z

Föstudagur er runnin upp, ég sit í lága sófanum í stofunni minni og vindurinn feikir öðru hvoru toppnum á mér...

það er kostur að búa á 5 hæð...

þá nær vindurinn að gegnumtrekk...

Róm er nefninlega byggð á sjö hæðum, og það er oft góð gola sem kælir mann niður.

Sérstaklega á heitum degi eins og í dag.

Ég hugsa um ströndina... við förum ekki um helgina, en strax eftir helgi ætlum við að skreppa til vina okkar sem eiga hús hér í klukkutíma fjarlægð frá Róm... við ströndina.

Vorum við Ostia á þriðjudaginn, Margrét Eir og Jökull voru í heimsókn hjá okkur og enduðu svo ferðina á ströndinni... Ingó keyrði þau svo beint á flugvöllinn.. þau komu til Íslands með sand á milli tánna!

Dásamlegt!

ég á þennan prins... Hann heitir Felix Helgi og er trúður:)

Ég og Margrét, ómálaðar og sjóbarðar!

Hinrik Leonard og Jökull eftir sjóbrettaferð í stórum og hvössum öldum.

Hinrik og Ingólfur í sjónum með bretti..

Það var rauður fáni, sem þýðir að það má ekki fara langt út og börn mega ekki vera ein í sjónum.

Leiktækin eru alltaf vinsæl..

Hinrik Leonard gerði engil í sandinum...

mun þægilegra að nota sand en snjó!!

Á leiðinni heim sáum við í gegnum hjólabuxur hjólarans á myndinni... hann var með frekar loðin rass!! heheeheh

Nú undirbý ég opnun nýrrar vefverslunnar fyrir HiN design, og var að koma úr viðtali við spegilinn flotta og hér er greinin um mig Hildur í HiN design

nýja heimilið okkar:) La nostra casa nuova

2011-08-08T09:12:00.000Z

Eldhúsið, la cucina

Í stofunni eru þessar tvær hliðar af gömlum vögnum frá Sikiley

Gangurinn útidyrahurðin beint af augum, klósettið til vinstri og herbergi strákanna til hægri.

Gangurinn, frá vinstri: svefnherbergið/vinnuherbergi, stofan og eldhúsið.

Stiginn ógurlegi... 89 tröppur...

Hurðin okkar opin:)

Margrét Eir með strákanna sína..

Við erum á fullu að koma okkur fyrir, tek myndir af öllu slottinu á næstu dögum og þá þakinu í leiðinni:)

Róm Róm Róm... ó hve fögur þú ert Róm... Quanto sei bella Roma!

2011-08-04T17:02:00.000Z

Sunnudagur í Róm byrjar alltaf á Porta Portese markaðnum... hér erum við á flottum bar að fá okkur hressingu:) Takið eftir módel stellingu

Felix Helga... hann er trúður!!

Domenica a Roma inizia sempre a Porta Portese.. ecco i miei bimbi ad un bar að fare collazione

Fyrstu gestir sumarsins komnir til okkar .. hér erum við á túristaslóðum í Róm...

Og hér eru gestirnir okkar...

Margrét Eir og Jökull

Það er svo yndislegt að fá þau!!

Rákumst á þessar styttur við Colosseo...

Due statue al Colosseo

La mia Margrét

Margrétin mín.

Róm er borg kattanna og hér rákumst við á kisuling sem vildi endilega láta klappa sér..

Roma dei gatti... ecco uno che voleva le coccole..

Fallegur hópur á Piazza Navona

Vinkonur!! Amiche

Margrét og Jökull dönsuðu á Piazza Navona..

og drukku rauðvín á Campo dei Fiori

Og svo fluttum við!!!

E poi ci siamo trasferiti!!

til að byrja með sýni ég ykkur bara útsýnið frá svölunum okkar... sem eru svo mjóar og dásamlegar!!
Við elskum hljóðið í lestinni sem sést hér til hægri á myndinni...

Flutt

2011-08-02T23:45:00.001Z

Loksins loksins... erum við flutt í okkar eigin íbúð! Svaf í eigin rúmi í nótt í fyrsta skipti í 6 mánuði! Erum með lélega tengingu en blogga og set myndir um leið og við fáum okkar net. Allir rosa glaðir og hressir í hitanum!

síðasta vikan í júlí... l'ultima settimana di luglio.

2011-07-29T14:29:00.001Z

Þessi vika er búin að líða mjög hratt.. veðrið fór "versnandi" í Róm, hitatölurnar voru 24-27 gráður og fannst okkur það fín tilbreyting!! Nú er hitinn að stíga hægt og rólega upp og gert ráð fyrir 35 gráðu meðalhita í næstu viku.

Hér sjást strákarnir okkar í Villa Pamfili, stórum garði hér rétt hjá þar sem Ingó tókst að finna loksins fótboltavöll handa Hinriki Leonard.

Á miðvikudaginn ringdi.. þá skelltum við okkur í stóra Kringlu sem heitir Euroma2

strákarnir skelltu sér á nokkur tæki og fengu loks að kíkja í stóra leikfangabúð... Rocco gioccatoli... ekkert toysRus hér:)

Í gær fórum við á torgið okkar og Hinrik Leonard eignaðist loksins ítalska vini.. hann bjargaði sér á ensku og fékk að leika fótbolta með fullt af krökkum. Felix Helgi lék sér einn þar sem ekki var mikið um krakka á hans aldri í gær... en á eftir ætla strákarnir aftur á torgið og þá finnur Felix Helgi sér örugglega einhvern til að leika við... annars lék hann bara Trúð fyrir okkur eins og sést á myndunum.

2011-07-25T17:20:00.000Z

Það er gaman í Róm!

Roma é divertente!

Colosseum er stórfenglegt

Felix Helgi er Shrek!

Felix Helgi ha fatto amicizia...

Felix eignaðist vin...

Il papá migliore del mondo...

Besti pabbi í heimi!

laugardagur í Trastevere, sabato a Trastevere

2011-07-24T20:39:00.000Z

Það var hverfishátið í Trastevere um helgina, við fórum með strákana í skemmtilega skrúðgöngu með stultutrúðum og enduðum á torgi þar sem fram fór Kickbox keppni.

Góður dagur

Fimmtudagur, giovedí

2011-07-21T23:19:00.002Z

Bræður í tölvuspili... Hinrik Leonard í psp og Felix Helgi í Nintendo..

Strákarnir í "kalda pottinum" úti á svölum.

Bræðraknús:)

Dagarnir fljúga áfram í Róm, byrjaði að vinna fyrir alvöru í dag þegar ég tók myndir af öllum húfunum mínum sem ég á á lager.. heilmikið verk og ekki minna verk að hlaða þeim inn á Facebook
facebook.com/hindesign

Líður eins og snáknum sem ég sá í Dýragarðinum í gær, hann var að fara úr hamnum... ég er að fara úr "bakinu" brann svo illilega á bakinu fyrir réttri viku síðan og er núna að flagna eins og fyrrnefnda slangan!!

Dýragarðurinn í Róm, Lo Zoo di Roma

2011-07-21T10:38:00.000Z

Það fyrsta sem við sáum í dýragarðinum var páfugl

Þeir voru út um allt þessir páfuglar, svo flottir

Þarna eru aparnir

Gíraffar

Fílarnir flottir:)

Sjálfur konungurinn lá og svaf:)

Hann sést ógreinilega í bakgrunninum!!

Flóðhesturinn var vakandi:)

Og hér eru fleiri apar:)

Stund milli stríða.. tígrisdýr og asni!

Riiisa skjaldbaka

Krókódílar

Lúlli letidýr!

Aparass!!

Felix skírði þennan apa Gossa!

Það var rosalega gaman í dýragarðinum...

ég set ekki allar myndirnar hér inn en strákarnir eru upprifnir yfir öllum flottu dýrunum...

Trastevere

2011-07-18T21:39:00.000Z

Göngutúr um Trastevere...

una passeggiata a Trastevere.

Túristamynd ársins!

Il turista dell'anno!

Við hurðina á húsinu sem Ingó bjó í fyrir margt löngu síðan..

Il portone di Ingo a Trastevere... di tanti anni fa!

Tekið í spil:)

Porta portese markaðurinn og rólegheit heima á sunnudegi

2011-07-17T22:04:00.000Z

Feðgarnir við byrjun markaðarins sem er hér í næstu götu, Porta Portese er stæðsti markaður Rómar og er alltaf fyrir hádegi á sunnudögum

Og hér erum við mæðginin..

Stutt pása, ávaxtasafi...

og cornetto

Hinrik Leonard keypti sér nýjan leik í psp tölvuna

Og Felix Helgi steinsofnaði á gólfinu:)

Þegar hann vaknaði voru Ingó og Hinrik búnir að kaupa pizzu handa okkur... pizza með pulsu:)

Og Hinrik Leonard fór að horfa á Sunnudagsþáttinn sinn... Guinnes heimsmetaþáttur

Og kellinginn prjónaði hyrnu úr bómull... alveg að verða tilbúin í fallegum sumarlitum.

Hyrna, sjal, schialle

2011-07-16T20:37:00.000Z

Hyrna til sölu, kostar 8000 kr með sendingarkostnaði frá Róm:) Ull og mohair

Schialle, di lana e mohair, costa 70 euro

Fjöruferð... spiaggia a Ostia

2011-07-15T20:07:00.002Z

Föstudagurinn rann upp bjartur og fagur og hitabylgjan gengin yfir í bili, bara 27 gráður og ákváðum við þá að skella okkur í Fjöruferð:)
Myndavélin var eitthvað að stríða mér þannig að fyrstu myndirnar eru svarthvítar.

Eccoci alla spiaggia libera di Ostia, la macchina fotografica mi facceva gli scherzi cosi le prime foto sono in bianco/nero.

Felix Helgi nýkomin uppúr sjónum, alveg ný reynsla og stórkostleg fyrir strákana mína:)

É la prima volta che i miei bimbi vanno in spiaggia in vita loro:)

Hinrik Leonard komin með flottan strandbolta:)

Ingó og Felix Helgi í sólinni, FH fékk sólina í augun en við leigðum okkur sólhlíf.

Hinrik Leonard að byggja sandkastala

Hinrik flottastur að synda í sjónum

Mamman fékk nudd hjá kínverskri konu sem greinilega vildi ekki láta sjást í andlitið á sér:)

Þreyttir strákar á ströndinni.. gott að sitja í skugganum af sólhlífinni

Þegar heim var komið vildi Felix Helgi fá nudd eins og mamma á ströndinni, quando siamo tornati a casa il mio piccolo voleva massaggio come me sulla spiaggia:)

2 fast and 2 furius í sjónvarpinu:)

Felix Helgi ekki eins áhugasamur og Hinrik Leonard...

Við erum glöð og rauð... mest ég þó, strákarnir eru að verða fallega sólbrúnir!

Moskítóflugur, zanzare...

2011-07-14T22:05:00.000Z

Bara ein mynd í dag, bit í rénun....

Solo una foto oggi... morsi!

40 stiga hiti í Róm og góðir vinir, 40 gradi a Roma e buoni amici:)

2011-07-13T23:15:00.001Z

Það er hitabylgja í Róm, náði hámarki í dag, nú er miðnætti og hitastigið er 29 gráður!

Eftir morgunrúntinn komu strákarnir heim að borða og taka síestu.... Hér sést Felix Helgi að horfa á Simpsons fyrir framan viftuna góðu!

Ecco il mio piccolo che si rilassa dopo pranzo!

Hinrik Leonard leikur sér í PsP fyrir framan viftuna.

Il mio grande gioca a psp

Fórum í dag í San Lorenzo og þarna eru strákarnir mínir fyrir framan hurðina okkar... þar sem við bjuggum fyrir 10 árum.

Eccoci d'avanti al portone della nostra vecchia casa a San Lorenzo:)

Í San Lorenzo er garður með nokkrum sætum leiktækjum.. hér sjást sætir bræður á mótorhjóli!

Nei giardini a San Lorenzo ci sono delle giostre

Og svo smá lest...

Fallegu vinir okkar Claudia og Daniele sem við fórum að heimsækja, þau vildi endilega splæsa á strákana í tækin:)

Ecco i nostri amici Claudia e Daniele!

Felix Helgi í hoppukastalarennibraut

Og Hinrik Leonard tekst á loft!!

Hinrik Leonard tók mynd af Claudiu og Felix Helga

Svo tók Felix Helgi mynd af Daniele og Hinriki Leonard

Og hér eru þau saman!!

Claudia og Daniele búa í rosaflottu húsi og þarna sjást þau á svölunum að kveðja okkur

póstur fyrir Mömmu, posta per la mamma

2011-07-12T12:53:00.000Z

Svona líta blómin á svölunum okkar út... veit ekki hvað þetta blóm heitir en það minnir á einhverja rós?

Blómin opna sig þegar kvölda tekur, eitt gult og eitt bleikt. Þessar myndir eru teknar í gærkveldi um kl 11

Lavenderplantan er stór og falleg

Þetta eru sólblómin sem eru alveg að fara að blómstra.

Hér sjást basilikumplönturnar okkar en þær eiga að halda moskítóflugunum í burtu

Og þetta er rómverskur þykkblöðungur

laugardagur og sunnudagur, sabato e domenica

2011-07-11T09:02:00.002Z

Við byrjuðum laugardaginn á því að fara á MacDonalds en það er staður við götuna okkar:/

auðvitað fíluðu strákarnir það í tætlur.

Á Ítalíu er eftirréttur með barnamatseðlinum.. nokkurnskonar drykkjarjógúrt!

Svo fórum við með lestinni í garð til að leika okkur og hitta Francesco vin okkar. Við fórum til Monte Mario

Þar voru skemmtileg leiktæki

Svo kom Francesco á vespunni sinni.

svo var sýnd heimildarmynd sem Francesco var að gera um stofnanir eins og Sogn á Ítalíu

Þingmaður vinstra megin og Francesco hægra megin

Í garðinum kynntust strákarnir Filippo sem er 6 ára og skemmtu sér konunglega!

Komin á lestarstöðina að bíða eftir lestinni heim:)

Sunnudagur

Byrjuðum á markaðnum, þar sem strákarnir fengu hlaupahjól sem auðveldar þeim ferðir um Róm!

Fórum svo í stórt Moll í útjaðri Rómar og hittum Francesco, Ileniu konu hans og Nínu dóttur þeirra

Felix notar hvert tækifæri til að dansa!

og Nína dansaði með!

dagur 3, heima að tjilla og svo Piazza Navona:)

2011-07-09T00:02:00.000Z

Dagur 2 í Róm, il secondo giorno a Roma:)

2011-07-07T23:46:00.001Z

Stubbur komst í myndavélina í morgun... og hér er sönnunargagnið:)

Un birrichino ha trovato la macchina fotografica stamattina... ecco la foto che uso in evidenza:)

Circo Massimo.. við fórum þangað í dag til að leika okkur.. ci siamo diverti a Circo Massimo oggi.

Circo Massimo

Felix Helgi datt... í fótbolta:(

Mamman tíndi steina... ætlar að föndra með þá á morgun.. eyrnalokkar og hálsmen.. mmmmm

ho raccolto sassolini oggi a circo massimo.. domani diventano orecchini,, collane etc

Felix komin í fangið á pabba sínum..

Hinrik Leonard flottastur í ótrúlegu umhverfi!

Felix ákvað að hætta að spila fótbolta og vera dómari í staðinn.. Felix ha fatto l'arbitro..

Dómari og... módel:)

Íþróttaálfurinn komst í Nutella:)

2011-07-07T00:18:00.000Z

Nýr skemmtigarður opnaður í Róm í Maí, hér eru drengirnir við hraðbrautina í Flórens svo flottir að stilla sér upp

I miei uomini sul'autostrada fuori Firenze

Eftir hamborgara og ruslmat við hraðbrautir Þýskalands og Austurríkis komumst við loks í góðan mat við Bologna, Felix Helgi valdi ferska ávexti, Hinrik risotto, Ingó hráskinku og osta osfrv og ég ferskt salat.. mmm greinilega komin til ítalíu:)

Þessi svipur er sérstaklega fyrir Jón Sigfús og kallast "Myndabros Jóns"

Finalmente si mangia bene... in Autogrill in Italia

Komin til Rómar... uppstilling drengjanna úr fókus:)

Leoooooooooooooooooooooooooooooooooo

Loksins hittust Leoarnir okkar, Leonardo Gambardella og Hinrik Leonard!

Ohhh svo glaðir feðgar!!! og Subaru búin að standa sig aldeilis vel!


Þessi er nú uppáhalds:) STRÁKARNIR MÍNIR!

Ingó, Hinrik Leonard, Leonardo og Felix hönd í hönd, búin að fá okkur pizzu og ís á leið heim!

Róm er full af brunnum þar sem hægt er að fá sér að drekka:) Hinrik að prófa...

og svo Felix Helgi

Leo og Felix Helgi að skoða ánna Tíber (tevere) sem rennur í gegnum Róm og er rétt við húsið okkar.

Hinrik að skoða Tevere

Fyrsti morguninn í Róm, úti á svölum voru fiðrildi að spóka sig!!

flottir bræður í morgunsólinni

Fiðrildi!!!! Farfalle

Kíkt inn í garð sem er við hliðina á skóla Hinriks Leonards

Felix Helgi, Hinrik Leonard og Leo fyrir utan skólann hans Hinriks sem byrjar í september.

Hinrik stolltur, Felix eitthvað upptekin!

Viftan hans Leo... reynist vel!

Rosaheitt!

Fyrir utan Phanteon, Hinrik komin í peysu því maður fer ekki á bumbunni inn í Guðshús:)

Komin í stuttermabol úr Disney store.

Besti ís í heimi! Il gelato migliore del mondo!

Sítrónuís fyrir Felix

Með mömmu að borða ís... með Disney store pokann... það sem keypt var sést á síðustu myndunum!

óborganlegur svipur á Felix Helga:)

Og eins og sést var hann engin tilviljun!! Mamma með krúttin sín tvö!

Náttföt úr Disney búðinni,,,

Finnbogi og Felix... og plóma!

Verst að það er of heitt til að sofa í náttfötum!

Germania, Austria e Italia

2011-07-04T22:51:00.001Z

Dagurinn í dag er búin að vera hlaðin tilfinningum, við keyrðum frá Þýskalandi klukkan 10 í morgun, veðrið var ferskt og rigningarlyktin lá í loftinu, allir vel klæddir... þegar nálgaðist Austurríki var fyrsta myndin tekin, strákarnir fengu sér að borða á síðasta Veggrillinu í Germaní og sólin var komin hátt á loft og farin að hita....

Þegar komið var til Austurríkis var farið að hlýna all verulega.. og svo komum við loksins yfir landamærin til fyrirheitna landsins Ítalíu.. og strax leið okkur eins og við værum komin heim... hitinn orðin um 35 gráður...

Við héldum beina leið til Verona og þar erum við nú á gistiheimili í úthverfi borgar Rómeo og Júlíu...

komum loksins heim annað kvöld:)

Þýskaland, glaðir bræður:)

Germania fratelli felici

Austurríki... hlaðin Subaru:)

Austria nostra macchina piena.. dentro e fuori:)

ÍTALÍA:)

finalmente a casa!

meira af skipinu... ancora dalla nave:)

2011-07-03T23:32:00.000Z

ferðin "heim" il viaggio a casa... del 1, fyrsti þáttur

2011-07-02T22:05:00.000Z

brottför frá Njarðvík fullur bíll, partenza la macchina piena

svona leit leiðin austur út.... ecco cosa trovavamo andando all'est d'islanda

Beðið eftir að komast í Norrænu, aspettando d'entrare nella nave

Eccola Nave... káetan okkar

Komin uppá dekk

Trúður... fór honum einstaklega vel

og svo ljónið okkar.. ecco il nostro Leo

Danmörk... nesti og hlaðið uppá bílinn.. Danimarca

http://www.hotel-freese.de/

Brúðkaup aldarinnar:) Il matrimonio!

2011-06-26T12:39:00.000Z

Hildur e Helgi fratelli:)

fratellanza

Ingó e Bryndís

Kittý Ingó e Bryndís

Breki krúttbomba

Gli sposi

La sposa piange


Fallega systir mín og eiginmaður:) La mia bella sorella e marito

Þreyttir strákar og grá hyrna, bimbi stanchi e schialle:)

2011-06-20T00:09:00.000Z

Sá yngri sefur vært

il piú giovane dorme

Il piú grande ha sonno...

sá eldri er þreyttur

Nýjasta sjalið er í gráum tónum

Lo schialle é di toni di grigio

Bless elskurnar, Addio carissimi:)

2011-06-17T15:32:00.000Z

Bless elsku bestu vinir,

Ciao carissimi amici..

Nú hefst nýr kafli,

Adesso inizia un nuovo capitolo

Vi voglio bene!

Tilhlökkun... non vedo l'ora...

2011-06-11T12:28:00.001Z

Breytingar... cambiamenti...

Héðan... da qui...

hingað... a qui...

Tilhlökkun... non vedo l'ora!

Nýr útsaumur... cappello nuovo

2011-06-05T21:54:00.001Z

Ljón, leone

Leikur, gioco

2011-05-27T12:26:00.001Z

HiN design hugar að flutningi yfir á meginlandið, áfram verður hægt að kaupa húfur í gegnum netið en síðasti séns að panta húfur með útsaumi er 16 júní!

Nú setjum við af stað leik, fáum sem flest "like" á þessa síðu, dregið verður úr aðdáendum þann 1. júní húfa í verðlaun að eigin vali!