laugardagur, ágúst 18, 2007

http://hildurina.blog.is

Ég ákvað í auglýsingaskini að byrja að blogga á moggabloggi.. held samt áfram að blogga hér en hitt er svona markaðssetning fyrir húfurnar mínar...

Sjáum til hvernig það gengur..
hér er allavegana urlið...
http://hildurina.blog.is/blog/hildurina/

föstudagur, ágúst 17, 2007

Nýja vinnan mín...

Jæja þá er best að upplýsa ykkur dyggu lesendur mína um nýju vinnuna mína. Húfubransinn er og verður áfram bara "meðframvinna" en á miðvikudaginn var byrjaði ég í nýrri vinnu eftir fimm mánaða fæðingarorlof..

Ég er nú yfir hönnunardeild Fjölsmiðjunnar http://fjolsmidjan.is/

Ég starfa þar með ungu fólki á aldrinum 16 - 24 ára sem stendur á tímamótum í lífinu. Við erum að vinna að öllum þeim verkefnum sem mér og þeim í sameiningu dettur í hug. Ég er rétt að byrja en við erum strax byrjaðar að framleiða og höfum hug á að skella okkur í jólagjafabransann og framleiða fullt af fallegum vörum fyrir alla aldurshópa. Ég legg náttúrulega mikla áherslu á Fatahönnun en við vinnum með öll þau efni sem okkur dettur í hug. Byrjuðum á að gera nokkrar lyklakippur svona til að koma okkur af stað og förum svo í að framleiða fatnað og fleira.

Ég vinn frá 8 til 16 á daginn og 8 - 14 á föstudögum, í starfsmannahóp sem geislar af vinnugleði og skemmtilegheitum. Fæ heita máltíð í hádeginu, morgunmat og ávexti í kaffinu og fæ helmingi meira í laun á mánuði en ég fékk í þrælavinnunni í Óperunni.
Umhverfið er mjög fjölskyldu og starfsmannavænt og engin yfirvinna (óborguð eins og í Óðperunni..) Og börn velkomin þegar starfsdagar ofl hamla leikskólaför.
Ingólfur hefur tekið við fæðingarorlofinu og verður heima næstu fjóra mánuði og svo kemur í ljós hvað gerist um jólin....

Mér finnst ég algerlega hafa dottið í lukkupottinn og þrátt fyrir mikla þreytu í dag þá held ég að ég verði fljót að komast uppá lagið með að vakna snemma og fara svo auðvitað að sofa fyrr.

Ingólfur stjórnar svo heimilinu með einstöku lagi og er hann búin að búa um hjónarúmið á hverjum degi og það er alltaf yndislegt að koma heim til strákanna minna!!


Er ekki tilveran dásamleg:)

Hello Kitty tröllríður húfubransanum..
Lífið er dásamlegt!

Nýja vinnan mín er æðisleg!
Það er svo gaman að vinna á svona góðum vinnustað þar sem allir standa saman.
Ég er náttúrulega í fullu fæði sem er stórhættulegt og nú er bara salat á kvöldin á heimilinu.
Góða helgi gott fólk!

þriðjudagur, ágúst 14, 2007

Nýjar húfur .... ný vinna

Hér eru nokkrar nýjar húfur sem ég var að setja inn á síðuna mína










Spennandi tímar, byrja í nýju frábæru vinnunni minni á morgun!

laugardagur, ágúst 11, 2007

Til Hamingju með Daginn allir Hinsegin vinir mínir og aðrir!!

Alltaf svo skemmtilegur dagur!

'Omar og Dragdrottning á draumabílnum mínum!

TIL HAMINGJU MEÐ DAGINN ÍSLENDINGAR ALLIR HINSEGIN OG EKKI!!

þriðjudagur, ágúst 07, 2007

Heimsókn til Villa, Agnesar og Bergs Þorgils

Fórum í heimsókn til Villa, Agnesar og Bergs Þorgils..

Hér eru feðgarnir
Hér sést smá í Villa með Berg,
Ingó heldur á Felix Helga


Það eru 6 vikur á milli þeirra






Þeir lágu lengi á gólfinu saman og lékur sér, Bergur hafði mikin áhuga á eyrum Felix Helga!








föstudagur, ágúst 03, 2007

fimmtudagur, ágúst 02, 2007

Sætir bræður og Pizza.. og Afmæliskveðjur

Hér eru sætu strákarnir mínir fyrr í dag:)

Pizzuveisla á Drekavöllum, þessi er í uppáhaldi hjá mér, rucola, parmiggiano og parmaskinka. mmmmmmmmmmmmmmmmmmmmmmmmmmmmm!

Hildur og Felix Helgi... hann er alveg eins og pabbi sinn.. hvað finnst ykkur?


Að lokum;
22. júlí elsku Laufey Brá til hamingju með Afmælið!
24. júlí elsku Hrafnhildur til Hammingju með ammilið...
30. júlí elsku Bryndís til Hammmmingju með ammmilið!
31. júlí elsku Steina til Hamingju með afmælið!
og
1. ágúst elsku Margrét Eir til hamingju með ammmmmilið!!

föstudagur, júlí 27, 2007

Lokadagurinn í Lindarborg og Ingó bakar...

Síðasti dagur Hinriks á Lindarborg var í dag. Hér sjást leikskólakennararnir sem voru að vinna í dag,
María Erla, Maggý, Hólmfríður og Bjarni
Hinrik Leonard og Felix Helgi
Í kvöld bakaði Ingó brauð og sat svo fyrir á þessum myndum.
Brauðið bragðast jafn vel og það lítur út...

Jói Fel hvað?!

Þetta brauð kostar 50 krónur! Ekki 490!




fimmtudagur, júlí 26, 2007

sunnudagur, júlí 15, 2007

Piss

Leikskólavinur Hinriks er nýfluttur í hverfið. Hann býr í stórri blokk hér rétt hjá og eru þeir búnir að leika sér stöðugt saman síðan. Í gær var vinurinn að fara heim eftir kvöldmat og fyrir utan blokkina sína hitti hann fyrir tvo drengi uþb 5 ára. Strákarnir tóku af honum nýja hlaupahjólið hans, girtu niður um sig og pissuðu á hann! Ég er ekki að grínast! Þetta horfði svo annar pabbinn á út um gluggann! Nú þorir Hinrik ekki að labba einn til vinar síns, og við Ingó skiptumst á að fara með hann.
Ég kemst ekki yfir þennan öfuguggahátt hjá börnum en ég er nú búin að sjá það hér í hverfinu hvað félagsskapurinn skiptir miklu máli. Því hér eru börn sem breytast eftir því við hvern þau eru að leika og annað; hér á Völlunum eru krakkar voðalega uppteknir af því hvað er þeirra lóð... búa kannski í 50 íbúða blokkum og vísa skilyrðislaust krökkum úr öðrum blokkum af lóðinni sinni!

Heimur versnandi fer... eða hvað.
Hinrik á sem betur fer góða vini hér og eru sérstaklega 3 systkyni, 3,5 og 9 ára vinsæl og svo annar 9 ára. Þessir stóru hafa endalausa þolinmæði í að leika við Hinrik og hann dýrkar þá!

þriðjudagur, júlí 10, 2007

Álfahúfur


Ég er með flottustu fyrirsætu í bænum...

Á fyrstu myndunum er hann með of stóra húfu en hann er flottastur hann Hinrik minn!!











Nýtt snið á húfum!




mánudagur, júní 25, 2007

Húfur enn og aftur

Ohh það er svo gaman þegar maður fær svona skilaboð;

Sæl Takk kærlega fyrir húfuna, við erum ofsalega sátt og drengurinn vill ekki taka hana af sér :D Kveðja Lilja

Gaman að þessu.

þriðjudagur, júní 19, 2007

Merkilegur miðill..

Internetið, á síðustu vikum eru þrír einstaklingar búnir að finna mig á internetinu. Gamlir félagar úr fortíðinni. Nína, belgísk vinkona mín sem kom að heimsækja mig fyrir 12 árum síðan, Carlo kennarinn minn þegar ég var skiptinemi fyrir 19 árum og Riccardo vinur minn frá Milano síðan fyrir 10 árum síðan.

Ofsalega gaman að fá bréf á email sem eru eins og gömlu sendibréfin. Ekki bara rað emailar og smáskilaboð.

Gaman að þessu...

ps... sauma og sauma og sauma og sauma og sauma!

Og frábærar breytingar í ágúst.........................?!?!?!?!

miðvikudagur, júní 13, 2007

Overlooked by a neighbour..

Þetta er felumynd.. sjáið þið nágrannann sem fylgist vel með þvi hvað börnin eru að gera í hverfinu???

þriðjudagur, júní 12, 2007

Helgi bróðir á afmæli í dag!


Hinn litli bróðir minn á afmæli í dag... 35!! Til hamingju með afmælið litli stóri bróðir!

föstudagur, júní 08, 2007

Mæðravernd og fæðingar

Ég vil endilega benda á umræðu sem á sér stað á bloggi vinkonu minnar Rósu í Danmörku http://rosin.blog.is/blog/rosin/entry/232706/ ég læt mitt innlegg fylgja með hér að neðan;

Það er mæðraverndin sem er ekki eins og hún á að vera eftir að Miðstöð Mæðraverndar var lokað. Við sem göngum í gengum áhættumeðgöngu erum búnar að missa það öryggi sem við höfðum með þjónustunni sem þar var boðið uppá.

Og valið er ekki svo mikið, þú getur til dæmis ekki fætt í vatni uppá Landspítala. Það geturðu gert í Keflavík ef að þú ert svo heppinn að ná þangað þegar þú ert komin af stað og ef að deildin er ekki lokuð vegna sumarleyfa.

Sængurkvennadeildin er líka alltof lítil. Og þú getur ekki gert ráð fyrir því að vera ein í herbergi, fyrir konur eins og mig sem þurfa að liggja allt að 10 dögum á sængurkvennadeild er það hryllingur að mega ekki hafa maka sinn hjá sér þegar maður þarf á því að halda! Og þurfa að deila herbergi með allt að 4 öðrum konum.

Ég hef samanburðin af því að ganga í gegnum 2 erfiðar meðgöngur og fæðingar. Í fyrra skiptið hafði ég Miðstöð Mæðraverndar og í senna var MM lögð niður á miðri meðgöngu. Á mæðravernd á LSH ertu ekki með sömu ljósmóðurina alltaf þegar þú kemur. Þar eru miklu færri ljósmæður og þú hefur ekki lengur það öryggi sem þú þarft á að halda varðandi andlegu hliðina. Þú þarft stöðugt að vera að endurtaka sögu þína við nýja lækna osfrv. Ég vil alls ekki gera lítið úr þeim læknum og ljósmæðrum sem starfa þarna, það er gott fagfólk en umgjörðin er ekki í lagi.

Fæðingarheimilið, MFS og nú síðast Miðstöð Mæðraverndar eru allt “fyrrverandi þjónustur” sem lagðar hafa verið niður. Og EKKI HEFUR NEITT SAMBÆRILEGT komið í staðin!

Ég vil taka undir það sem Rósa segir; það er greinilega viðkvæmt að snerta á þessum málaflokki eins og svo mörgum sem snerta konur. Gagnrýni á þó að vera að hinu góða og gott er að fá umræðu í samfélaginu um þessi mál.

Að lokum vil ég segja að ef að allt gengur vel er þjónustan fín, heilsugæsla, hreiðrið og heim. En ef ekki gengur vel er þjónustan ÖMURLEG, ÓFULLNÆGJANDI OG TIL SKAMMAR!

Og hananú!!!!

laugardagur, júní 02, 2007

Hinrik Leonard og Þorbjörg Anna

Í gær, 31. maí 2007 gekk sonur minn í hjónaband.

Tengdadóttir mín Þorbjörg Anna
Hér að neðan eru myndir frá athöfninni.






Athöfnin fór fram í leikskólanum við mikin fögnuð gesta.
Foreldrarnir voru ekki viðstaddir en fengu sendar myndir í tölvupósti.
Stórkostleg börn!

þriðjudagur, maí 29, 2007

sunnudagur, maí 27, 2007

Myndirnar komnar


Hér eru myndir af strákunum mínum, Hinrik Leonard er reyndar eldri en Felix Helgi á þessari mynd en gaman að bera þá saman!

Nú eru myndirnar komnar á síðuna














Ótrúlega gaman að vera loks komin með síðu og barnaland góður staður þar sem hægt er að vekja athygli á húfunum.