Madonnan í Mandela

Kirkjan í litla þorpinu okkar er mikilvæg,

hún skipuleggur mikið félagslíf hér í bænum 

og við höfum verið dugleg að taka þátt.

Eins og ég hef sagt frá áður hér á blogginu þá eru hér þrír yndislegir prestar frá El Salvador. 

Þeir eru ungir og hressir og virkir á Internetinu.  

Don Cesar er vinur minn á facebook 

og ég er í facebook grúbbu kirkjunnar.

Í lok apríl kom stytta af Madonnu til bæjarins með pompi og prakt,

hér eru nokkra myndir en styttan var kynnt og blessuð í bak og fyrir hér á litla torginu fyrir framan kastalann.

Hinrik Leonard var beðin um að klæða sig í hvítan búning og hann fylgdi styttunni uppí þorp þar sem hún var í tvær vikur.. haldið var áfram að blessa hana fram og tilbaka!

Á sunnudaginn var fórum við svo uppí fjöll og sóttum messu undir beru lofti, og þar var Madonnu styttan hvít og fögur.. svo var henni komið fyrir á sínum stað uppí fjalli þar sem hún horfir yfir Mandela.

Eftir messu var svo pikknikk..

Hér sjást strákarnir mínir fylgjast með messunni.

 Hér sést Madonnan í messunni

Við sátum hjá þessum heiðurskonum, karlarnir stóðu og borðuðu!

Hér sjást Hinrik og Felix vera að bjóða öllum bæjarbúum skúffukökumöffins.

Hér erum við á heimleið, það var farið að þykkna mikið upp en það var ákaflega heitt á sunnudaginn.

Mandela og Kastalinn okkar.

 Hér sést svo Madonnan í hlíðinni, uppi á toppi á hæð.  Þessar myndir eru teknar út um eldhúsgluggann..

Annars heldur lífið áfram sinn vanagang... með endalausum óvæntum uppákomum.

Fallegu drengirnir mínir standa sig afskaplega vel í skólanum báðir tveir.  Felix Helga gengur vel að læra ítölskuna og er búin að eignast vini í leikskólanum og lærir þar yndislegar setningar sem skemmta okkur foreldrunum!

Hinrik er ótrúlega duglegur að læra, mest áhersla er lögð á ítölskuna og stærðfræði en ítalskir skólar eru ári á undan í stærðfræði.

Skólinn fer svo í sumarfrí 9 júní.

Hér eru að lokum myndir sem teknar voru í dag.  Ingó fór með strákana að leika niðri á fótboltavelli, þar var að fara í gang leikur og það vantaði svo markvörð... Hinrik var beðin um að taka þátt og gerði hann það með glæsibrag!  Varði hetjulega og fékk bara á sig eitt mark sem var óverjandi!

Sumarið komið og íslendingar fjölmenna í Kastalann

Það er búið að vera alveg hrikalega mikið að gera í Kastalanum síðustu daga, að ég hef barasta ekkert náð að blogga..

En nú ætla ég að skella mér í að segja svolítið frá!

Sumarið kom á föstudaginn var... 

með tilheyrandi hita og þægilegheitum!

Kastalinn er samt svalur og þægilegur og lofar góðu með sumarið!

Á laugardaginn fengum við langþráða samlanda í heimsókn, 

öll eru þau búsett í Róm og komu fyrir hádegi með fullan bíl og rútu (þau voru 6, 4 komu bílandi 2 komu með rútunni!) af mat á grillið!

Hér koma nokkrar myndir af þeim!

 Hér sjást frá vinstri, Ari, Hjalti, Geraldine og Ingibjörg

 Felix Helgi og Hinrik Leonard kynntust leyndardómum IPadsins,  sem Ingibjörg á og voru ótrúlega fljótir að læra á hann

 Guðrún, Eyjólfur og Valentina

 Eyjólfur, Valentina og Ingó

 Felix, Hjalti og Hinrik

 Ingibjörg og Willy en Geraldine kom og hitti íslendingana, dalmatíuhundarnir Dido og Ben fengu að bíða úti í bíl, en Willy fékk að koma og spjalla!

 Ari, Geraldine, Eyjólfur og Valentina

 Eftir matinn var tendraður eldur í grillinu, með sprekum úr skóginum, en Ingó var búin að klippa niður greinar sem brotnuðu í snjóunum miklu í vetur

Hér er Felix Helgi að taka sjálfsmynd, hann skildi eftir sig fullt af myndum, myndböndum og allavegana eitt frumsamið lag, í IPadnum hennar Ingibjargar.. sem hefur örugglega þurft svolítin tíma að flétta í gegnum nýja efnið!

Stal svo þessari síðustu mynd frá henni Valentínu, en hér sést kastalinn okkar vel aftanfrá og ég er eitthvað að rífa upp illgresi á grillsvæðinu!

Í gær var svo frí í skólanum, svokölluð ponte eða brú, þar sem 

1. maí er frídagur og lendir á þriðjudegi þá hafa ítalirnir brú á mánudeginum og voru allir skólar lokaðir og margar skrifstofur líka.

MacDonalds var opin og við leyfðum strákunum loksins að fara út að borða!

Læt þetta nægja í bili, nóg annað að segja frá en geymi það í næsta blogg!

Vorrigningum að ljúka, loksins!

 Það er búið að rigna meira og minna í þrjár vikur hjá okkur,

Suma daga ekkert, aðra daga rosalega mikið... 

Gott fyrir gróðurinn en hundleiðinlegt fyrir mannfólkið!

Hér eru fjórar myndir teknar út um eldhúsgluggann minn í morgun

 Ef þið rýnið í gegnum trén þá sjáið þið skóla strákanna, hvít bygging.. sú appelsínugula er elliheimili fyrir alzheimersjúka.

 Á þessum myndum sést vel hvað himininn var grár í morgun en núna skín sólin loksins og spáin segir að hitinn sé á leiðinni og fari alveg uppí næstum 30 gráður um helgina með heitum vindum frá Afríku...

Þygg það með þökkum!

Minni ykkur á Hin design bloggið mitt þar sem þarf að vera duglegur að klikka á auglýsingarnar.. 

þá fæ ég evrur í baukinn minn!

Markaðsdagur á morgun

Nú er ég búin að vera að undirbúa markaðinn sem verður á morgun í Garbatella hverfinu.

Þetta er sami markaður og ég var á fyrir jólin en núna er hann síðasta sunnudag í hverjum mánuði.

Ég er náttúrulega ekki með húfur hér núna þar sem sumarið er á þröskuldinum en hef verið að íhuga mikið hvað ég á að vera með... hér sjást svipmyndir frá undirbúningnum:

 Slaufuhálsmen úr

roði.

Litríkar töskur 

Innkaupapokar

Hekluð stutt hálsmen 

Slaufueyrnalokkar úr roði

En nú er laugardagur og við erum að fara út að borða í boði Geraldine vinkonu okkar.

Förum á veitingahús í næsta bæ... svakaspennó!

Dónagrænmeti og daglegt líf

Ég rakst á þessa í dag, gat ekki annað en keypt hana, konan á kassanum hló feimnislega þegar hún renndi eggaldininu yfir skannann. 

Ingó borðaði hana svo í kvöldmatinn,

Tengingin okkar hefur verið afskaplega hæg síðustu dagana, við erum á fullu að reyna að finna almennilegt internet fyrirtæki en það er ekki auðvelt, þar sem helstu fyrirtækin eru ekki með þjónustu við svona lítil þorp eins og Mandela er.. við erum líka uppi á fjalli sem auðveldar ekki hlutina.

Annars bara allt ljúft að frétta og lífið heldur áfram, vorið er komið en það hafa verið miklar rigningar síðustu daga... það á nú að breytast um helgina og þá getur maður farið að drekka í sig D vítamínið aftur.

Ég verð á markaði að selja á sunnudaginn, í Róm... 

Meira um það síðar!